MUNTAGNA ‘E STU CORE
Nu parpete ‘e viento suspira pe’ ddint’a sti sèvere verde, saglienne stu core se perde nun sape addò s’adda fermà… Muntagna ‘e stu core, te voglio assaie bene me lieve d’è ppene e io torno a cantà… Na refele ‘e viento, na fronna, nu sciore è chisto l’ammore ca i’ voglio da te. ‘E Gavete, ‘o Ciglio, Castiello… Ma quanta, ma quanta ricorde! Ma comme nu core se scorde restanne luntane da te? Muntagna ‘e stu core… Fuiette luntano da Somma crerenneme ‘e farte dispietto sperduto p’’o munno arricietto nun fuie capace ‘e truvà Muntagna ‘e stu core… ‘Na veppeta d’acqua annevata Ca scorre d’a preta ‘a Capone nu sciore sperduto ‘e vallone me fanno cuntento ‘e murì
Gino Auriemma
